Subtitulación de vídeos do inglés ao castelán para unha axencia de noticias europea
CASOS DE ÉXITO > LOCALIZACIÓN PARA SITIO WEB DE VENDA DE GUITARRA
Contexto do proxecto
Tradución de subtítulos de vídeos para unha axencia de noticias europea. O proxecto comezou en abril de 2024 e continúa na actualidade.
O obxectivo é traducir os subtítulos do inglés ao castelán mantendo o rigor informativo.
Proceso de traballo
- Recepción de vídeos orixinais xunto con arquivos de subtítulos en inglés
- Creación do ficheiro de subtítulos en castelán
- Axustes de sincronización co vídeo (códigos de inicio e fin dos subtítulos)
- Adaptación lingüística e cultural do contido
- Fusión de subtítulos cando é necesario
- Optimización da lonxitude para a correcta lectura dos subtítulos
- Adaptación ao rexistro formal ou informal
Principais retos da subtitulación
O maior reto da subtitulación é transmitir a mensaxe orixinal axustándose ao tempo, ao espazo dispoñible e á velocidade de lectura, é dicir, ao número de caracteres por segundo que pode procesar o ollo humano en función do tempo de visualización e do formato do vídeo.
Por exemplo, nos vídeos verticais que adoitan verse nas redes sociais os subtítulos non poden ser moi longos; por contra, os vídeos horizontais onde hai algo máis de espazo dispoñible. Do mesmo modo, se o público son nenos ou persoas con problemas de visión, cómpre prever unha velocidade de lectura inferior.
Ademais, en moitas ocasións cómpre resumir, xa que non sempre é posible incluír todos os matices da mensaxe orixinal sen comprometer a lexibilidade dos subtítulos.
Exemplo:
Orixinal (inglés):
What we are seeing right now is a situation
with consequences for global economic stability.
Subtítulo (castelán):
La situación podría afectar
a la estabilidad económica global.
Neste exemplo, tivo prioridade a velocidade de lectura, por cuestións de espazo e de tempo de visualización da mensaxe na pantalla.
Temáticas
- Política internacional
- Economía e foros económicos
- Entrevistas a líderes políticos e empresariais
- Medio ambiente
- Historia
- Turismo
- Novas tecnoloxías
- Cultura e tradicións
Resultados
- Subtítulos claros, naturais e sinxelos de ler
- Mellora da experiencia de visualización grazas a unha lectura fluída
- Adaptación do contido orixinal, respectando o contexto
- Material listo para publicar na web da axencia e outras canles
Valor engadido para o cliente
Este proxecto combina tradución especializada e capacidade de síntese, elementos clave para traballar con contido audiovisual sobre temáticas variadas.